Kótelettan Music Festival – Spurt og Svarað – Aðstoð
Ég þarf aðstoð!
Það er mikið álag á starfsfólki Kótelettunnar Music Festival vikurnar fyrir hátíð og svör geta dregist. Við þökkum þér fyrir skilning og biðlund. Hér fyrir neðan höfum við tekið saman helstu spurningarnar sem okkur eru að berast. Ef þessi síða svarar ekki spurningum þínum, vinsamlega fylltu út eyðublaðið hér neðst og við svörum við fyrsta tækifæri.
Þessi hjálparvefur er eingöngu fyrir Kótelettuna Music Festival.
Hvar er tónlistarhátíð Kótelettunar haldin?
Tónlistarhátíð Kótelettunar er haldin við Hvítahúsið á Selfossi, að Hrísmýri 6. Smelltu hér til að finna okkur á Já.is.
Kostar eitthvað á Kótelettuna?
Kótelettan BBQ Festival / Stóra grillsýningin í Miðbæjargarði Selfoss – 13. júlí 2024 – Frítt inn
Kótelettan Fjölskylduhátíð í Miðbæjargarði Selfoss – 13. – 14. júlí 2024 – Frítt inn
Kótelettan Fjölskyldu-upphitunartónleikar
Kótelettan Music Festival – Aðgangseyrir – miðasala hér á vefnum
18 ára aldurstakmark á Music Festival – gildir árið eða dagurinn?
Gestir Kótelettunnar Music Festival þurfa að vera að fullu 18 ára, því er það dagurinn sem gildir. Sbr. reglugerð 1277/2016 um veitingastaði, gististaði og skemmtanahald.
Hvernig kemst ég inn á Kótelettan Music Festival?
Allir gestir þurfa að bera armband sem fæst afhent gegn framvísun miða eða aðgangseyris í miðasölu á hátíðarsvæði Kótelettunnar Music Festival.
Hægt er að skipta út miðum fyrir armbönd í miðasölu við hátíðarsvæðið á opnunartíma 8. og 9. júlí.
Við hvetjum alla Kótelettugesti að sækja armbönd tímanlega – þar sem langar raðir geta myndast eftir að dagskrá hefst.
Hvenær opnar miðasalan?
Hægt er að kaupa miða á netinu allan sólarhringinn.
Aðeins verður hægt að kaupa miða á Kótelettuna Music Festival á netinu.
Get ég keypt miða á staðnum?
Eina leiðin til að gulltryggja sér miða er að versla hann á netinu – það hefur orðið uppselt síðustu ár.
Aðeins verður hægt að kaupa miða á Kótelettuna Music Festival á netinu.
Hvar og hvenær get ég sótt armbönd?
Við mælum sterklega með því að sækja armbandið tímanlega, þar sem oft myndast langar raðir eftir að dagskrá hefst föstudags- og laugardagskvöld.
Afhending á armböndum verður í afgreiðsluskúr við Hvítahúsið, bakvið stóra útisviðið.
Athugið – stök laugardagsarmbönd er eingöngu hægt að nálgast á laugardaginn.
< 2023
< 2023Get ég sótt armbönd fyrir fjölskyldu og vini?
Nei, handhafar miða þurfa að sækja eigin armbönd. Starfsfólk Kótelettunnar setur armbönd á gesti.
Þarf ég að hafa skilríki meðferðis?
Nauðsynlegt er að hafa skilríki meðferðis þar sem starfsfólki Kótelettunnar ber að fylgja lögum og reglum um aldurstakmark. Starfsfólk hefur rétt á því að spyrja um skilríki hvenær sem er innan hátíðarsvæðis. Miðar og armbönd einstaklinga undir 18 ára aldri verða gerð ógild og verða ekki endurgreidd.
Ég fékk ekki miðann í tölvupósti / rangt netfang skráð
Rafrænir miðar eru sendir í tölvupósti frá netfanginu noreply@kotelettan.is.
Kíktu í rusl/spam áður en þú hefur samband með eyðublaðinu hér fyrir neðan.
Er uppselt?
Miðasöluvefurinn er ávallt uppfærður í samræmi við þann miðafjölda sem er í boði. Þar kemur fram hvort og hvernig miðar eru í sölu.
Síðustu ár hefur selst upp á Kótelettuna Tónlistarhátíð.
Ég keypti miða á stakt kvöld – get ég uppfært í helgarpassa?
Það er ekki öruggt – en hvetjum þig til að senda okkur skilaboð með nánari upplýsingum.
Óskilamunir – tapað og fundið
Tónlistargestir eru hvattir til að afhenda starfsfólki Kótelettunnar í miðasölu eða á næsta bar alla óskilamuni sem þeir finna.
Hægt verður að nálgast óskilamuni á opnunartíma Mömmumats í Hvítahúsinu, mánudaga til föstudaga frá 11:00 – 13:30. Vinsamlega sendið fyrirspurnir vegna óskilamuna með því að fylla út eyðublaðið hér fyrir neðan eða á info@kotelettan.is.
Ég kemst ekki – get ég fengið endurgreitt?
Hægt er að fara fram á endurgreiðslu á miðakaupum sem gerð hafa verið í gegnum vefsíðu Kótelettunar í allt að 14 daga frá kaupum. Þetta á hinsvegar ekki við um beiðnir um endurgreiðslur sem berast þegar minna en 14 dagar eru í auglýstan viðburð, sbr. skilamála við miðakaup.
Því miður er ekki hægt að veita undanþágur. Ef minna en 14 dagar eru í auglýstan viðburð er ekki hægt að fá endurgreitt.
Hægt er að óska eftir nafnabreytingu á miða með því að fylla út eyðublaðið hér fyrir neðan – mikilvægt er að láta fylgja fullt nafn, kennitölu og netfang nýs miðaeiganda.